Herritarren Arreta Bulegoak (HAB) lokal berria zabaldu du Algortako Torrene kaleko 3. zenbakian; Kontsumitzailearen Informaziorako Udal-Bulegoa (KIUB) ere bertara eraman dute. Bulego berria 08:00etatik 14:00etara egongo da zabalik, astelehenetik barikura; urtarrilaren 25etik aurrera, arrastietan ere zabalik egongo da (16:30etik 19:00etara), Benturillena kaleko HABearen ordez.
Bulego berriak Juan Bautista kalekoa ordezkatzen du, eta ohiko gestioak egin ahal dira horretan. Baina ezin da ahaztu gestio horietako batzuk ere egin daitezkeela Udalaren Administrazio Elektronikorako Bulegoan (AEB), udal webgunearen bitartez: www.getxo.eus.
Telefono berberak izango dira. HAB: 944 660 366 eta KIUB: 944 660 111.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!