Getxon jaiak antolatzeko diru-laguntzak eskatzeko deialdia onetsi du Udalak. Diruz lagunduko diren jaiak hurrengoak izango dira: aratusteak (Itzubaltzeta/Romon eta Algortan), Andra Mari, Sanjuanak (Zubilleta eta Andra Mari auzoak), Karmengoak (Neguri), Nazioarteko Paella Txapelketa, Santa Ana (Areeta), Saninazioak (Algorta), Itzubaltzeta/Romoko jaiak, Portu Zaharreko jaiak, Mesedeetako jaiak (Areeta) eta Sanmartinak (Hezetasuna auzoa). Aurtengo aurrekontua 185.500 eurokoa izango da, iaz baino %14 gehiago.
Diru-laguntzak eskatzeko epea irekita dago eta auzo bakoitzeko jaiegun zehatza baino 30 egun lehenago itxiko da.
Baloratuko diren irizpideak jai berdina antolatzerako orduan eskatzaileak duen eskarmentua, antzeko jaiak antolatzea eta aurkeztutako egitaraua izango dira.
Oinarriak eta eranskinak www.getxo.eus web orritik deskargatu daitezke.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!