Edmond Rostandek idatzitako Cyrano de Bergerac helduei zuzendutako drama abiapuntu hartuta, Olga Margallok eta Antonio Muñoz de Mesak idatzi dute umeei moldatutako ikuskizun hori, XX. mendeko New Orleansko jazz-eskola batean kokatuz. Jakina, gatazkak xumeak dira, adin horretako ikusleentzako ulergarriak, baina bertsioari eta jatorrizko lanaren espirituari eutsi diete. Vaivenen bertsio horretan, Cyranok eta Roxanak izango dute euren maitasuna bizitzeko abagunea. "Txikiei eta euren senideei zenbait balioz hitz egin nahi genieke: taldeko lana, ahaleginaren balioa, sentimenduak sortu eta adierazteko musikak duen balioa, koherentziaren garrantzia, ametsen alde borroka egitea...", azaldu dute Vaiven antzerki-taldeko kideek.
"New Orleansko Cyrano" haurrentzat etzi, Areetan
Vaiven taldeak "New Orleansko Cyrano" antzezlana eskainiko du domekan, urtarrilak 31, Areetako Andres Isasi musika-eskolan. Emanaldia 18:00etan izango da, euskaraz; sarrerak 5 euroan daude salgai. 6 urtetik gorako neska-mutilei begirako obra da, Getxoko Kultur Etxeko arduradunek aurreratu dutenez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun