Sarai Robles (Barañain, Nafarroa), Maialen Akizu (Urretxu, Gipuzkoa), Asier Rubio (Luiaondo, Araba), Aitor Servier (Azkaine, Lapurdi) eta Aitor Bizkarra (Abadiño, Bizkaia) bertsolariakaz lehiatu beharko da Paule Loizaga ALBEko kide sopeloztarra; hitzordua 20:30ean jarri dute. Jone Uria algortarra izango da gai-jartzailea. Afarirako, "heldua, adin txikikoa edo langabetua zaren zehaztea eta alergiarik duzun edo begetarianoa zaren aurretiaz abisatzea eskatzen da", Algortako Bertsolari Eskolak zehaztu duenez.
Denbora aurrera doa, baita bertsolarientzat ere. "Baina, bertso-eskolen erreka biziak bertsolari berriak dakartza etengabe, gero bertso-plazetara itsasoratuko direnak", diote Algortako Bertsolari Eskolako (ALBE) lagunek. Testuinguru horretan, Euskal Herriko bertsolari gazteen Abra Sariketaren 15. edizioa egingo dute, otsailaren 12an, barikua, Algortako Azebarri kultur gunean. Hala, afarian izena emateko azken eguna hilaren 8a izango da; helduek 15 euro ordaindu beharko dute, eta adin-txikikoek zein langabetuek 12 euro. Posta elektronikoz (albegetxo@gmail.com) edo telefonoz (605 704 385) eman daiteke izena.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun