Ertzaintzak 53 urteko gizonezko bat atxilotu zuen atzo goizaldean Algortan fruta-denda batean lapurtzea egotzita, Eusko Jaurlaritzako Segurtasun Sailak jakinarazi duenez. Azaldu dutenez, ustezko lapurrak estolda-tapa bategaz apurtu zuen dendaren erakusleihoa, ondoren bertara sartu ahal izateko.
Lapurreta saiakera maritzenean jazo zen, goizaldeko 03:30ak aldera, Algortako fruta-denda batean. Inguruko auzokide batek ustezko lapurreta baten berri eman zion Ertzaintzari. Hala, patruila bat tokira bertaratu eta fruta-dendaren erakusleihoa apurtuta zegoela ikusi zuten. Lokala arakatu ostean, ustezko lapurra bertan ezkutatuta aurkitu zuten, eta bertatik atera ondoren, atxilo eraman zuten.
Atxilotua Ertzaintzaren instalazioetan dago, epailearen aurrean jartzeko zain.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!