Datorren otsailaren 24an, eguaztenean, hasiko dira berriro Atzerritartasun Legeari buruzko informazio-saioak Getxon. Udalak antolatuta, Biltzen Eusko Jaurlaritzako Gizarteratzea eta Kulturarteko Bizikidetzaren Euskal Zerbitzuak emango ditu saioak, doan. Herritar guztiei bideratuta daude, eta oso interesgarriak izaten dira herritarrak erregularizatzeko izapideak hasi behar dituzten enpresa edo pertsona enplegu-emaileentzat.
Aurten saioak bi hilabetean behin izango dira eta interesatuek aldez aurretik eman beharko dute izena 944 660 151 telefono zenbakian edo inmigracion@getxo.eus helbide elektronikoan.
Saioak otsailaren 24an, apirilaren 27an, ekainaren 29an, irailaren 28an eta azaroaren 30ean izango dira, 19:00etatik aurrera, Algortako Villamonte kaleko kultur etxean.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!