Utopian sormen-tailerrak "crowfunding" talde-finantzaketarako kanpaina abiatu du erakustaretoaren ekipamendu teknikoa osatu ahal izateko. Ekimen horregaz lortutako diruari esker, honakoak jarri ahal izango dituzte: aire girotua, publikoarentzako harmaila eroangarriak, fokuak eta oihala. Lehenengo fasean, arduradunek 11.076 euro batzea espero dute, aire girotua ezarri ahal izateko.
Bigarrenean, berriz, 25.000 euro bildu gura dituzte harmailetarako, eta, azkenik, beste 13.000 euro, fokuak eta oihalerako. «Hiru urteko ibilbidearen ondoren, beharrezkoa ikusten dugu gauza horiek guztiak jartzea», azaldu dute arduradunek. Diru-laguntzak ematen dituztenen artean, halaber, apirilean egingo duten Zabaltze Kontzertu baterako gonbidapenak banatu eta guztien izen-abizenak jakinaraziko dituzte. Kamiseta bat eta lokala doan alokatzeko aukera ere eskainiko dute, besteak beste.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!