Itzubaltzeta/Romoko Auzokideen Elkarteak Santa Eugenia kaleko lau zuhaitz moztea galarazi du gaur goizean. Denera, sei zuhaitz moztu eta euren ordez beste batzuk jartzea aurreikusita zeukan Getxoko Udalak. Ekintza hori, "parkeen eta lorategien mantenu eta hobekuntzarako urteko planaren barruan kokatuta daude", udal iturriek jakinarazi dutenez. Hala ere, auzokideen presioaren ondorioz, udal beharginek zuhaitz bi moztu eta beste lauak "hurrengo baterako" utzi dituzte, "etxe-aurrearen ondoan daudenak".
Udalak azaldu duenez, zuhaitz-mozketa aurrera eramateko erabakia "hainbat auzokideren eskariz" egin da, "arazoak eragiten zizkietelakoan". Hori horrela, eta horietako bi "egoera txarrean zeudelako", sei zuhaitzak moztu eta aldatzea erabaki zuten agintari getxoztarrek, "epe ez oso luzera beharrezkoa izango zelako".
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!