Datorren martxoaren 12ra arte egongo da zabalik udalerriko kultur elkarteentzat Udalak urtero ematen dituen diru-laguntzak eskatzeko epea. Aurten, Udalak 104.000 euro bideratuko ditu laguntza horietara; horregaz, udalerriko kultur elkarteen ohiko gastuei aurre egiten lagundu nahi da.
Irabazi asmorik gabeko kultur elkarteek eskatu ahal izango dute laguntza, honako baldintza hauek betetzen badituzte: nortasun juridiko eta egoitza soziala Getxon izatea; kultura jardueraren bat eginez gero Getxorentzat interesgarri izatea, Udalak edo bere talde autonomoek antolatzen dituzten kultur jarduerak areagotu, hornitu edo ordezkatuz.
Eskabide-orriak Villamonte kultur etxean edo Herritarren Arretarako Bulegoetan eskuratu daitezke. Deialdiaren oinarriak udal webgunean daude eskuragarri.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!