Itzubaltzeta/Romoko Nagusien Etxeak adinekoentzako osasunari buruzko beste berbaldi bat hartuko du datorren otsailaren 23an, martitzena, 17:30ean. "Zer gertatzen da oroimenarekin?" izenburupean, bertaratzen direnek Areetako osasun zentroko sendagileen solasaldian parte hartu ahalko dute; helburua: zahartze aktiboaren ardatzetako bat sendotzea. Hori lortzeko, gimnastika, erortzea prebenitzeko tailerra, ibiltzeko hitzorduak edota tai xi ikastaroak ere egingo dituzte datozen egunetan.
Hitzaldian adinagaz gertatzen diren oroimenaren aldaketez mintzatuko dira. Ekimenaren bosgarren solasaldia izango da eta 17:30ean hasiko da. Saioan zehar bertaratzen direnek euren iritzia eta etorkizuneko hitzaldietarako gustuko gaiak jakiteko galdetegia egingo dute. Aurrekoetan bataz beste 80 bat pertsona izan dira.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!