Seguros Bilbaok Punta Galearen eskola bereganatu du

Iker Rincon Moreno 2016ko ots. 22a, 20:03

Bilboko Itsas Museoan aurkeztu zuten aurtengo Seguros Bilbao taldea. © SEGUROS BILBAO

Getxoko Punta Galea txirrindularitza-elkarteak 40 urteko ibilaldi luzea dauka. Aurten, Seguros Bilbao enpresagaz akordioa itxi, eta bere babesean geratuko da, bere eskola aseguru-etxeko txirrindularitza-taldearen barruan egokituz. Horrela jakinarazi zuen aurreko astelehenean Iñigo Garay Seguros Bilbaoko marketin-zuzendariak, Bilboko Itsas Museoan egindako aurkezpenean.

Garayren berbetan, Punta Galeagaz "lortuko dugu txirrindulariek gugaz euren formazio-etapa denak bete ahal izatea, oinarritik profesionalismoaren aurreko etapara". Seguros Bilbao taldeak 24 txirrindulari izango ditu elite eta 23 urte azpiko kategorietan: Raul Bosch, Noel Gil, Jokin Etxabe, Beñat Etxabe, Oscar Cabedo, Alain Ramirez, Oscar Pelegri, Bernat Font, Cristian Torres, Enrique Serrato, Eneko Corrales, Adrian Sainz, Jeison Cortes, Markel De la Fuente, Pere Casasnovas, Jaume Sureda, Tomas Colldecarrera, Gabriel Pons, Eukeni Rotaetxe, Asier Perez, Arkaitz Agirre, David Casado, Nicolas Saez eta Daniel Avellaneda. Haietako erdiak berriak dira.

Seguros Bilbaok Andraka txirrindularitza-elkartearen lizentzia erabiltzen du, baina egoitza Getxon dauka.

Kirolak Getxo

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!

Izan zaitez HIRUKAlagun