Emakumeen Nazioarteko Egunaren harira, "Aktibatu zure ahotsa" doako tailerrerako izena eman daiteke. Tailerrok Jabekuntza Eskolan egindako heziketaren jarraipena dira, eta egindakoa ikusaraztea ahalbidetuko du, 4 orduko iraupeneko saio bigaz, eta "performance" bategaz. Zahira Montalvok gidatuko ditu saio biak, Gobela kiroldegian, hilaren 28an eta martxoaren 5ean, 10:00etatik 14:00etara eta 16:00etatik 20:00etara, hurrenez hurren. "Performance"-a, berriz, martxoaren 6an izango da, 13:00etan, San Nikolas plazan.
Helburuak dira ahotsen jabekuntzaz kontzientzia hartzea; andrek eskura dituzten tresnak erabiltzea; taldean arte eta aldarrikapen ukituko ekintza sortzeko sormen kolektiboa esperimentatzea; auto-estimua areagotzea; eta parte-hartzaileen artean babes- eta zaintza-sare bat sustatzea.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!