Joan den urteko urriaren 10ean, Algortatik Hanka "indar okupatzaileen kontrako" mugimenduak Alde Hemendik Eguna antolatu zuen, urriaren 12an ospatzen diren Hispanitatearen Eguna eta Guardia Zibilaren eguna salatzeko asmoz. Bada, bost hilabete igaro dira ordutik, eta Algortako 10 bat gaztek egun horren harira ehuna euroko isunak jaso dituzte, Guardia Zibilaren kontrako oihuak egin zituztelakoan.
Salaketa gutunaren arabera, gazte horiek guztiek "ez zaituztegu nahi, ez zaituztegu behar", "torturatzaileak alde hemendik" eta "txakurrak" gisako oihuak egin zituzten.
Heldu berri diren isun horiek adierazpen askatasunaren kontrako eraso "larria" direla uste dute Algortatik Hankako kideek, eta "errepresio horren aurrean, herri gisa" erantzungo dutela iragarri dute. Hori dela eta, indar okupatzaileen kontrako mugimenduko lagunek isuna jaso duten guztiakaz biltzeko bilera deitu dute gaur arrastirako, 20:00etan, Abian kultur elkartean.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.