Lehenengo atxiloketa zapatuan, hilaren 5ean, 03:35ak aldera jazo zen. Getxoko udaltzainek auto bat ikusi zuten Areetako Zugatzarte etorbidean kontrako noranzkoan zihoala. Trafikoaren segurtasunerako suposatzen zuen arriskua ikusita, udaltzainek ibilgailu hori geldiarazi eta zegokion erreira gidatu zuten; ondoren autoa geldiarazi zuten.
Alkohol-proba egiterakoan, gidariak, 47 urteko gizonezkoak, 1,21 mg/l eman zuen, hau da, baimendutako alkohol-tasa baino sei aldiz handiagoa, poliziek jakinarazi dutenez. Hori horrela, atxilo eraman zuten, bide-segurtasunaren kontrako delitua egotzita.
Bigarren atxiloketa domekan izan zen, hilaren 6an, 04:10ak aldera. Udaltzainek debekatutako noranzkoak eta argi barik zihoan auto bat ikusi zuten Itzubaltzeta/Romon. Gidariak, 48 urteko gizonezkoak, 1.02 mg/l eman zuen alkohol-proban, baimendutakoa baino bost aldiz gehiago. Hala, bide segurtasunaren aurkako delitua egotzita atxilotu zuten.
Polizia-eginbideak bideratu eta Getxoko Guardiako Epaitegira bidali dituzte, epaiketa azkarraren prozeduraren pean.