Eskola-jantokiko begirale izateko ikastaroa antolatu du Gurutze Gorriak. Saioak apirilaren 18tik 28ra izango dira, Arriluzeko egoitzan. Horretan parte hartu ahal izateko, gutxienez 16 urte edukitzea beharrezkoa da (gurasoen baimena behar dute adin txikikoek), eta 120 eurokoa izango da ikastaroaren prezioa. Horretarako, Arriluzeko bulegoan izena eman daiteke, goizeko 09:00etatik 14:00etara.
Interesdunek NAN eta neurri txikiko bere argazki bat aurkeztu beharko dituzte. Halaber, banku-transferentzia bitartez ordaindu ahal izango dute. Ikastaroak 20 lagunentzako lekua besterik ez du izango.
Eskolak 17:30etik 21:00etara izango dira, astelehenetik eguenera.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!