Uribe Kostako Irakurzaleen Txokoak Miren Agur Meabe idazle lekeitiarra gonbidatu du, orain dela hamar urte kaleratu zuen Urtebete itsasargian liburuaz berba egiteko. Hitzordua datorren eguenean izango da, apirilaren 21ean, 19:30ean, Algortako Telletxe Plazako karpan, liburu-azokaren barruan. Sarrera doakoa izango da.
Egizu! elkarte-antolatzaileak ohartarazi duenez, liburua «oraindik ez baduzu irakurri, gogoratu Getxoko liburutegietan maileguan har dezakezula, eta Irakurri, Gozatu eta Oparitu egitasmoaren abantailak aprobetxatu!». Izan ere, ekimen horren bidez, euskarazko liburuak erostean %35eko deskontuaz goza daiteke.
Meabek Euskarazko Haur eta Gazte Literaturako Euskadi Saria eta Liburu gaztea Saria irabazi zituen Urtebete itsasargian liburuari esker.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.