Kepa Acero surflari algortarra Ekuadorreko Galapago irletan izan zen pasa den astean. Bertako Turismo Ministerioak gonbidatuta, Acerok "Surfaren etorkizuna Galapago irletan" berbaldia eskaini zuen bertan, Surf Akademiaren ikasleen eta Santa Cruz Surf Klubaren kideen aurrean.
Gainera, Antartida, Alaska, Afrika edo Indonesiara egindako bidaien berri eman zien, nazioarteko txangoen argazkiak erakutsiz. Era berean, Acerok bideo batean gogora ekarri du Charles Darwinek Galapago uharteetara 1835ean egin zuen espedizioa. Bertan, Eboluzio-teoriaren oinarriak landu zituen.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!