Getxoztarrek 6-8 irabazi zioten Lautada UP Gasteiz taldeari, Mendizorrotzara egindako bisitan. Partida berdinduta egon zen lehenengo hiru laurdenetan, 2-2, 2-2 eta 1-1 zatikako emaitzak jasoz. Baina azkenengo zatian, Getxoko eskifaiak distantzia ipini zuen arabarrekiko, eta 1-3 irabazi zien. Bitartean, Santoñak ere partida irabazi zion Deportivo Bilbaori, 8-10. Getxo eta Santoña berdinduta daude: biek 13 puntu lortu dituzte; baina, getxoztarrek aldeko tanto gehiago batu dituzte, eta gutxiago sartu dizkiete.
Getxo Waterpolo taldea lehenengo mailara igo da
Getxo Igeriketa Waterpoloren gizonezkoen talde seniorrak Euskal Herriko lehenengo mailara igotzea lortu du. Hala, datorren urtean euskal waterpoloko elite-kategorian jardungo du. Gainera, getxoztarrak ligaren jabe bihurtu dira. Balentria Euskal Herriko bigarren mailako 01-04 taldeko ligaren bigarren fasean lortu du, azken partidan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun