Aurten parte-hartzaileek, gehienek 25 urtetik gorakoek, oso positibotzat jo dute formakuntza, eta nabarmendu dute pertsona gisa hazten, aurreiritziak identifikatzen, eta estereotipoak apurtzen lagundu diela. Jorratutako gaien interesa eta parte hartu duten hizlarien kalitatea ere azpimarratu dituzte eragileek. Eragile horiek egun dauden lan-taldeetan egingo dute lan. Taldeak hilabetearen amaieran batuko dira, sentsibilizazio-jarduerak antolatzeko.
Guztira, 29 lagunek (21 emakumek eta 8 gizonek) hartu dute parte Udalak antolatutako Zurrumurrurik Ez Estrategiaren heziketa-prozesu berrian. Orain arte, guztira zurrumurruen kontrako 100 bat parte eragilek hartu dute heziketa-prozesuetan, immigrazioaren eta kultur aniztasunaren kontrako zurrumurruak desagertzearen alde lan egiteko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun