Aurten, Liburuaren Azokaren ardatz nagusia gastronomia izango da; hala, horri lotutako hainbat ekintza egingo dituzte. Horrez gainera, aurrekoetan legez, azokan egindako erosketa guztiek % 10eko deskontua izango dute.
Azoka hilaren 21etik 24ra egongo da zabalik, honako ordutegietan: eguenean, 10:00etatik 14:00etara eta 17:00etatik 20:00etara; barikuan, 11:00etatik 14:00etara; zapatuan, 10:00etatik 14:30era, eta 17:00etatik 21:00etara; eta domekan, 11:00etatik 14:30era.
Erakusketa bat, jolasak, jolas erraldoiak, eskulanetarako tailerrak eta ludoteka ere egongo dira eskaintzen artean. Horiei gehitu behar zaizkie, besteak beste, ikasle getxoztarrek egingo duten jendaurreko irakurketa, egileen sinadura-txandak, berbaldi literarioa, liburu-aurkezpenak eta ipuin-kontaketa bat.