Aitor Mimenzak ordu bat baino gehiago behar izan zuen maratoi erdia bukatzeko: 01.08.59, alegia. David Lahera korrikalariari lau minutu eta hamabost segundoko aldea atera zion, eta Juan Perez Moran getxoztarrari, ordea, bost minutu eta 28 segundokoa. Emakumezkoen txapeldunak, Martinez del Alamok, 01.28.54 marka egin zuen, Tania Saez de la Fuente bilbotarra (01.29.20) eta Mari Carmen Gartzia (01.30.47) atzean utzita.
Araceli Martinez del Alamo eta Aitor Mimenza Bizkaiko Zubiaren Erdi Maratoiaren irabazleak izan ziren pasa den domekan. 21 kilometro horietan, Portugalete eta Areeta bitarteko ibilbidea bete zuten, Sestao, Barakaldo, Bilbo, Erandio eta Leioako udalerrietatik igaroz. 867 kirol zalek amaitu zuten proba.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun