Garbi Losadak idatzi du antzezlana, eta berak zuzentzen du; Javier Asinen jatorrizko musikak eta Bertha Bermudezen koreografiak osatzen dute ikuskizuna.
Antzezlanak proposatzen duen istorioa hauxe da: mutilei egitea gustatu ohi zaien gauzak egitea gustatzen ez zaion mutikoarena. Berak gurago du loreak batzea, margotzea, sokasaltoan ibiltzea, ganbarako arropa zaharrakaz mozorrotzea, edo rock & roll izar baten modura abestea. Bizitzan, barre egingo du, sufrituko du, maitatuko du, negar egingo du, amets egingo du... Hala, "Zapatila gorridun mutikoa" lanagaz, aniztasuna gure gizartearen elementu aberasgarritzat ulertzen lagundu gura dute.