Antolatzaileek azaldu dutenez, erorikoak dira istripu arrazoirik ohikoenak adineko pertsonen artean, eta horiek gertatu ondoren, eguneroko bizitza oso kaltetua gertatzen da, autonomia galtzea eta bizitza kalitatea gutxitzea dakartzalako. Erorikoek pertsona nagusien artean lesioak ekartzeaz gainera, minusbaliotasuna eta dependentzia ere dakartzate. Horregatik, tailerrean, modu errazean eta praktikoan azalduko dute nola gutxitu erorikoak, besteak beste, jarduera fisikoa sustatzen, etxea leku segurua bihurtzen eta hartzen den medikazioari eta elikadurari arreta eskaintzen.
Pertsona nagusien erorikoak prebenitzeko doako tailerrak antolatu dituzte Algortan. Lehenengo saioa maiatzaren 17an, martitzenean, izango da Villamonte kaleko kultur etxean, 11:00etan. Bigarrena, berriz, maiatzaren 24an izango da, Fadura kiroldegian, ordu berean. Bertaratu gura duten 64 urtetik gorakoek izena eman beharko dute maiatzaren 13a baino lehen Itzubaltzeta/Romoko Ibar Nagusien Etxean edo 944 660 150 telefono-zenbakian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun