Datorren uztailaren 9an abiatuko da Euskotren emakumezkoen arraun-liga, Orion. Bertan, zein hurrengo egunean, Donostian, bandera eta puntuak irabazteaz gainera ligarako sailkatzen saiatuko dira zortzi traineruetatik zazpi. San Juango eskifaia da zortzi estropadetan parte hartzea ziurtatuta duen bakarra, iazko liga irabazi zuelako. Hibaika, Orio, Donostia Arraun Lagunak-Donostiako Berdintasuna, Hernani, Getaria-Zarautz eta Hondarribiak parte hartuko dute sailkapen-fasean Galiziako Cabo klubagaz batera.
Orio eta Donostiako banderen ostean jakingo da zeintzuk hiru traineruek baliatu duten hoberen neguko lana eta hori dela-eta egingo duten boga San Juanegaz batera, Getxo, Pasaia, Zumaian eta Zarautzeko uretan.
Uribe Kostako hitzordua uztailaren 17an izango da, eguerdian. Iaz, San Juango eskifaia pasaitarra nagusitu zen bertan. Arrosek iaz ibilitako Ondiz Lekubarri arraunlari getxoztarra mantendu dute taldean.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!