Atxiloketa 00:30ak aldera jazo da, udaltzainek ikusi dutenean auto baten gidaria Areetan lerroka autoa aparkatzen saiatzen ari zela. Polizien arabera, gidariak ez zuen maniobra era egokian egin eta ondorioz errepidearen beste aldean zegoen autoagaz talka egin du gidariak.
Udaltzainak 43 urteko gidariarengana joan dira eta beragaz zeudela, edari alkoholikoen eraginpean zegoenaren zantzuak ikusi eta alkohol-proba egitearen betebeharraz ohartarazi diote. Gidariak "nahita" hutsezko saiakera batzuk (6 guztira) egin ditu, udaltzainen jarraibideei eta bere jarrerak delitua ekar lezakeen ohartarazpenari kasurik egin gabe, emaitza ekiditeko, iturrien arabera.
Hala, istripuaren txostena egiteaz gain, polizia-eginbideak bideratzen ari dira Getxoko Guardiako Epaitegira bidaltzeko.