pasa den aste-akabuan hartu zuten III. Gizarte Sariaren lehenengo proba, J80 kategoriako bela-ontzietarako. Abrako Errege Itsas Klubak antolatuta, J80ko ontziek hiru ibilbideri egin zieten aurre; emozioa nagusitu zen, eta sailkapena estu geratu da. Gonzalo Chavarriren Fin Gol Fin ontzia eta Ibon Basañezen Jet Set berdinduta daude lehenengo postuan, 6 puntugaz. Ramon Zubiagaren Mandovi ez dago urrun, 8 puntugaz. Atzean daude Pilgrim eta Alpega belaontziak. Gurutzaontziak ez ziren kaitik atera.
Gizarte Sariaren bigarren estropadak egingo dituzte aste-akabuan
Abrako urek hartuko dituzte asteburu honetan III. Gizarte Sariaren bigarren estropàdak, Abrako Itsas Errege Klubak antolatuta. Zapatuan, gurutzaontzi modalitateko belaontziak estreinatuko dira, pasa den aste-akabuan ez baitziren atera, haize ufada gogorrengatik. Domekan, J80 kategoriako ontziak duten sailkapen estua apurtzen ahaleginduko dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun