Getxo udalerriko ikastetxeek, Getxo Kirolak udal erakundearen laguntzagaz, Eskolarteko Jokoen zazpigarren ekitaldia abiatu dute gaur, maiatzaren 13a, Fadurako kiroldegian. Gaurkoa hiru jardunaldietako lehena izan da; hurrengo hitzorduak datozen barikuetan izango dira, hilaren 20an eta 27an. Ekimen horren helburua, kirol praktika ez lehiakorra sustatzea da, Lehen Hezkuntzako 2., 4. eta 6. mailako umeen artean.
Denera, 1.100 ikasle inguruk parte hartzeari ekin dio Eskolarteko Jokoetan. Neska-mutilek atletismoa, herri-kirolak eta errugbia probatzeko aukera izan dute. Gainera, aurreikusita dago Lehen Hezkuntzako 2. mailako umeek psikomotrizitate probak egitea eta jolasez eta gaztelu-puzgarriez gozatu ahal izatea.
Jokoetan ez da sailkapenik ezta kanporaketa-probarik egongo eta helburua eskola-komunitatea kirol-modalitate ezberdinetara hurbiltzea eta horien praktika giro ludiko eta parte-hartzaile batean sustatzea da.
Gaur, Lehen Hezkuntzako 6. mailako ikasleen probak izan dira; 20an, 4. mailakoen txanda izango da; eta 27an, Fadurara 2. mailakoak hurbilduko dira.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.