Irene Paredes Athleticeko jokalariak eta Gaizka Garitano jokalari eta entrenatzaile ohiak Getxo bisitatuko dute datorren maiatzaren 19an, eguenean. Izan ere, hitzaldia antolatu dute egun horretarako, Algortako Fadura kiroldegian. Hitzaldian, futbolaren, emakumeen eta euskararen gainean eta hiruren arteko egoeren inguruan egingo dute berba gonbidatu biek. Arrastiko 07:30ean hasiko da ekitaldia, Fadura kiroldegiko areto nagusian.
Berbaldia euskaraz eskainiko dute hizlariek, eta sarrera doakoa izango da. Irene Paredes (Legazpi, 1991) Legazpiko Ilintxa taldean hasi zen futbolean, 2003-04ko denboraldian. Ondoren, Real Sociedad taldean ibili zen, hiru denboraldi, eta, 2011z geroztik, Athletic Clubean dabil jokatzen. Gaizka Garitano (Derio, 1975), berriz, Athleticeko harrobian hazi zen, eta, ondoren, hainbat urte Eibar KE taldean egin zituen. Horren ostean, Realen jokatu, eta Deportivo Alavesen eman zion amaiera bere jokalari-ibilbideri. Eibarren eta Real Valladoliden entrenatzaile jardun du.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.