Denboraldia bukatu aurretik beste proposamen bat egin ziotela azaldu du leondarrak. Bigarren eskaintza horrek "iraungipen-data" ei zeukan: "epea amaitu zen, beste aste bat eman genion eta erantzunik jaso ez genuenez eskaintza bertan behera utzi genuen. Klub bikaina gara, merkatura goaz gure proposamenakaz, baina ez dugu gura hori erabil dezan".
Llamazaresek argitu duenez "klubagaz inplikatzen diren jokalariak" gura dituzte: "hemen egon nahi duenak ateak irekita dauzka, baina baldintzak guk ipintzen ditugu. Ez badu jarraitu gura errespetatzen dugu, beste baten bila goaz. Nahiago nuke Aketxeri ondo joatea, mutil zintzoa da".
Hainbat iturriren arabera, Aketxe Bigarren B Mailako klub andaluziar batek egindako eskaintza baloratzen dabil egunotan.