Maite Berriozabalek jarriko ditu gaiak, eta aurkeztuko du saioa. Herrialde bakoitzeko, epaile bat egongo da. Txapela Alaia Martinek jarriko dio irabazleari. Sari nagusiari dagokionez, Gabonetako oporraldietan egingo den Ahots baten sormen-egonaldira joateko aukera izango dute parte-hartzaileek: bertan antzerki-mundutik, kantagintzatik zein literaturatik datozen euskal gazteakaz elkartuko dira, aterpetxe batean. Eskolarteko txapelduna ezagutu ostean, jaiak jarraipena izango du, bazkariagaz, bertsoakaz eta erromeriagaz. Daborduko itxita dago bazkarian eta autobusean izena emateko epea.
Unai Mendiburuk Euskal Herriko Eskolarteko bertsolarien finala jokatuko du, Ereñotzun
Zapatu honetan, ekainak 4, goizeko 11:00etan abiatuko da Hernaniko Ereñotzu auzoan Euskal Herriko Eskolarteko bat-bateko bertso-txapelketaren finala. 15 eta 18 urte bitarteko 12 bertsolarik parte hartuko dute; lurralde bakoitzeko txapelketan txapeldun eta txapeldunorde izandakoak, alegia. Gauzak horrela, Unai Mendiburu Valor gazte algortarra ere egongo da norgehiagokan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun