Udalak adierazi duenez, Aixerrotako landan aparkaleku bat egitearen proiektuaren harira zabaltzen ari den informazioa "asmo txarrekoa" da. "Nahasmena eragiteaz eta gezurra izateaz gainera, informazio hori traba da Itxas Argia taldean txapelketa antolatzeko modu aktiboan eta goraipagarrian lanean dihardutenentzat", gaineratu du.
Getxoko Udalak gezurtatu du Aixerrotako landan parking bat egiteko proiekturik dagoenik
Getxoko Udalak hilerriaren ondoko zelaian aparkaleku bat egiteko proiektu bat martxan duela ohartarazi dute hainbat ezezagunek Change.org plataforma bidez. Azaltzen dutenez, urtero uztailaren 25ean Aixerrotako landa horietan ospatu ohi den Nazioarteko Paella Lehiaketa "arriskuan" dago, eta hori ekiditeko sinadura bilketa abiatu dute, plataforma horren bitartez. Hala ere, Udalak proiektu hori existitzen denik gezurtatu egin du.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun