Algortan, urtero legez, Gaurik Laburrena film laburren emanaldiagaz gozatzeko aukera edukiko dute zinema-zaleek, uztailaren 7an eta 8an. Egun bietako saioak 21:00etan hasiko dira Bihotz Alai plazan, eta sarrera doakoa izango da.
Getxoko Kultur Etxeak ohartarazi duenez, pelikulak ez dira egokiak 18 urtetik beherako neska-mutilentzat. Duela bi urtera arte, lehenengo egunean gaztelaniazko filmak baino ez zituzten proiektatzen, eta bigarrenean, euskarazkoak. Iaztik aurrera, ostera, euskarazkoak gaztelaniazkoakaz batera proiektatzen dituzte, nahastuta, egun bietan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!