Itzubaltzetako Romo herri ikastetxeko jolastokia behin-behineko aparkaleku publiko gisa erabiliko da jaietan. Getxoko Udalak zabaldu duenez, "auzoko jaietan aparkatzeko izan ohi diren arazoak kontutan hartuta, Getxoko Udalak Romo Herri Ikastetxeko jolastokia irekiko du berriro aparkaleku publiko gisa erabiltzeko, uztailaren 31tik abuztuaren 8ra".
Jolastokia aparkaleku bezala erabiltzeko ordutegia honako hau izango da: uztailaren 31ko, igandeko, 09:00etatik abuztuaren 8ko, asteleheneko, 22:00ak arte.
"Aparkaleku bezala erabiltzeko ordutegia amaituta, aipatutako jolastokitik atera ez diren autoak eraman egingo ditu garabiak", aurreratu du Udalak.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!