Aurretik beste sei aldiz atxilotu du Ertzaintzak 49 urteko susmagarria, eta horietako batean, 2004an, hildakoaren kontrako tratu txarrak egotzita. Arrastatze horren ondoren, atxilotua biktimarengandik urruntzeko agindua izan zuen 2007. urtera arte. Gaur egun, biktima eta ustezko hiltzailea etxebizitza berean bizi ziren, Eusko Jaurlaritzaren Segurtasun Sailak zabaldutakoaren arabera.
Hilketa matxista salatzeko elkarretaratzea egingo dute arrastian Algortan
Gaur, domeka, "beste hilketa matxista bat" salatuko dute Algortan. Hitzordua 19:30ean Telletxen ipini du Algortako mugimendu-feministak, Emakumeen Mundu Martxaren protokoloari jarraiki. Izan ere, uztailaren 23an, 51 urteko andra bat hilik topatu zuten Bilbon; hilotzak indarkeria aztarnak zituen, hala nola ubeldurak gorputzean eta odol-arrastoak ahoan. Herenegun, barikuan, Ertzaintzak emakumearen bikotekidea atxilo hartu zuen, hilketan "nahastuta dagoelakoan". Urteko zazpigarren hilketa matxista da Bilbokoa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun