Aurten udalerriko jaiegun ofiziala da San Lorentzo eguna, abuztuaren 10a. Hala, eguaztenean, ohi den legez, San Lorentzoko nekazaritza-azoka egingo dute, 10:00etatik 14:30era, San Nikolas eta Bihotz Alai plazetan.
Azokan euren uzta saltzera inguruotako 60 baserritar eta ekoizle hurbiltzea espero dute Getxoko Kultur Etxeko arduradunek. Goiz-erdian, ekoizle askok nahitaezko hitzordua izango dute, Idiazabal jatorrizko deiturako gaztaren, barazkien eta landareen norgehiagoka izango dute-eta. Eguna amaitzeko, Biotz Alai abesbatzak kontzertua eskainiko du koruaren izen bera daukan plazan, 22:00etan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!