Algortako Fadurako kiroldegian egingo da bihartik irailaren 16ra bitartean Getxoko Nazioarteko Xake Opena. Lehiaketa Getxoko Xake Taldeak antolatu du, eta bertan 80 jokalari baino gehiago bilduko dira. Antolatzaileen arabera, "kontuan izanik orain arte izena emandakoek duten maila, Bizkaian gaur arte egindako maila handieneko xake-lehiaketa" izango da.
Besteak beste, lehiaketan parte hartuko dute jatorri letoniarreko Viktorija Ni nazioarteko maisu estatubatuarrak (letoniarra) eta mundu mailan ezagunak diren Lelys Stanley Martínez Duany kubatarrak, Alexandre Dgebuadze belgikarrak eta Mikel Huerga nafarrak.
Lehiaketa ekitaldi-aretoan egingo da, eta egun gehienetan partidak 17:30ean hasiko dira. Sarrera doakoa izango da.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!