Uste dutenez, ibaiak naturalki izan dituen urak gainezka egiteko eremuak porlanez bete izanak uholdeak izateko arriskua mantendu eta “URAk garatutako ekintzak pikutara eramatea” eragingo du. Azken sei urteotan erakunde horrek martxan jarritako obrak ontzat eta beharrezkotzat jo dituzte auzokideek; halere, hainbat tokitan uholde-arriskua handiagoa izango dela salatu dute, hala nola Larrañazubin, Faduran, Neguri Langilen eta Salsidun.
Horren aurrean, auzokide elkarte horrek urbanizatzeko eremu berrietako drainatze-araudia handitzeko eskatu dio Eusko Jaurlaritzari. Neurri horregaz, eremu-iragazkor gehiago ez galtzea eta ura gainezka egiteko ibaiak dituen gune naturaletan ez eraikitzea gura dute. Halaber, Getxoko Udalaren ingurumen mantentze lanak kritikatu dituzte, ez dituztelako “behar bezala” garatu.