Alex Sorgente eta Sean Goff nagusitu dira La Kanteran

Iker Rincon Moreno 2016ko ira. 13a, 15:45

Hamaika skate-erakustaldi izan zen La Kanteran.

Pasa den zapatuan jokatu zen Getxoko La Kantera skate-pistan izen bereko txapelketa profesionala. Bertan, Alex Sorgente munduko txapeldun eta aurretik faboritoak irabazi zuen lehia profesionala. Gazte kaliforniarrak bi mila zaleren goraipamenen artean jardun zuen; 35 segundotan erakustaldi bikaina egin zuen, airekoak, backsideak, frontsideak eta makina bat maniobra exekutatuz abiadura handian.

Txapeldunordea Danny León madrildarra izan zen eta podiuma Iván Federico italiarrak bete zuen. Haiekaz batera, beste 60 bat parte hartzaile izan ziren; Kalle Berglind iazko irabazlea eta Alain Goikoetxea Algortako skater algortarra lehenengo hamarren artean geratu ziren.

Masters kategorian, Sean Goff ingelesak estilo klasiko, dotore eta arinez txapela eskuratu zuen. Bigarren izan zen Diego Doural, Donostian bizi den galiziarra, eta hirugarren postua La Kanterako Jon Ander "Txufo"-rentzat izan zen.

Argazki-galeria:

Kirolak Getxo

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!

Izan zaitez HIRUKAlagun