Salgai-hondarren azoka Algorta, Areeta eta Itzubaltzeta/Romoko kaleetara itzuliko da aste-akabu honetan, hilaren 22, 23 eta 24an. Oraingoan, 90 dendak hartuko dute parte eta saltoki bakoitzak denboraldi amaierako produktuak aterako ditu kalera, merke erosteko aukera eskainiz. Besteak beste, zapatak, arropa, kirol-gaiak, bisuteria, osagarriak, perfumeak, liburuak... eta makina bat produktu aurkitu ahal izango dira.
Parte hartuko duten establezimenduek kartela ipiniko dute beren erakusleihoetan eta ateetan azoka egin baino egun batzuk lehenago. Era berean, udalaren webgunean, www.getxo.net/getxolan-en, parte hartzen duten establezimenduen zerrenda jarri dute, produktuen eta guneen arabera antolatuta.
Euria egiten badu, dendek ekimena irailaren 26 eta 27an egingo dute.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!