Zazpi auto erre dira Larrañazubiko aparkalekuan

Zazpi autok su hartu dute bart Larrañazubin dagoen udal aparkalekuan. Iturriek uste dutenez, sutea nahita eragindakoa izan da, iluntzeko 21:15ak aldera. Suhiltzaileak arin hurbildu dira bertara, eta garrak kontrolatzea lortu dute, arazo larririk gabe. Parking horretan zeuden autoak desegiteko tokira eroateko zain zeuden. Udaltzaingoak zein suhiltzaileek jazoera ikertzeko eta ustezko egileak nortzuk izan diren aurkitzeko lanak abiatu dituzte.