Azpiegitura berriaren pilotajea egin da eta estribuak eraiki; azkenik, zubi berriaren taula jarri da, aldez aurretik desbideratutako zerbitzu guztiak ordezkatzeko.
Zubiak 18 metro luze eta 13 metro zabal izango da; 5 metroko bidea edukiko du, oinezkoentzako bi espaloi izango ditu eta 3 metroko bidegorria jarriko dute. Egitura eraikitzeko, hormigoi armatuko habeak jarri dira, aurreatezatuak. Habe horien gainean instalatuko dira hainbat taula, eta horien gainean, zoru asfaltikoa. Halaber, metro bat altuerako babes barandak jarriko dira.
Lanak datorren urteko hasierarako amaituko dira, eta horiek bukatuta guztiz osatuta geratuko da Getxon, Cristobal Valdés hustubidearen eta Berangoko mugaren artean, Gobelako bederatzi zubiak ordezkatzeko egitasmoa. Hortaz, ibaiaren arro osoan ahalmen hidraulikoa handiagotuko da, ur-goraldien arriskua murriztuz.