Etzi, zapatuan, "Islamari buruzko zurrumurruak: emakumeak menderatuta daude?" izeneko mintegia egingo dute Algortako Villamonteko kultur etxean, 11:00etatik aurrera. Zurrumurruen kontra sakontzeko ekimena izango da, Getxoko Udalak antolatuta.
Hizlaria Natalia Andújar Chevrollier Andaluziako Zurrumurruen kontrako Sareko eta Sare Musulmanetako kidea izango da. Saioa udalerriko auzotarrei irekita egongo da, eta zurrumurruen kontrako agenteek lehentasuna izango dute. Pertsona interesatuek izena eman beharko dute herritarren arretarako bulegoetan edo www.getxo.eus/antirumores webgunean.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!