Raspaseko arraunlaria oso pozik dago bere prestakuntza fisikoagaz; sasoian egoteko taldeko eta banakako entrenamenduak tartekatzen ditu. "Estatu Batuetan entrenamenduak oso bestelakoak dira, izan ere ez baitago denbora askorik eskolak direla eta; halere, marka onak egiten nabil", aitortu du. Hurrengo erronka gisa, Virginiak distantzia luzeko hainbat estropada egingo du, AEBetan ugari direnak. Proba horiek datorren maiatzeko txapelketa nazionaletarako prestatzeko baliatuko ditu.
Virginia Díazek Bostongo estropada irabazi du
Virginia Díaz Areetako Raspas Arraun Elkarteko arraunlariak aulki mugikorreko munduko estropada ospetsuenetako bat irabazi zuen pasa den urriaren 23an, bere unibertsitateko taldeagaz; AEBetako Boston hiriko 52nd Head of the Charles Regatta izeneko estropadan Díazek 4+ modalitatean parte hartu zuen (lau arraunlari eta lemazain bat). Finalean, Carleton eta New Hampshire unibertsitateetako ontzien aurretik helmugaratu zen bere taldea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun