Jorge Barrie Borrasek Bizkaiko Tenis Federazioan segituko du, beste lau urtean, presidente. Hala erabaki du lurraldeko kluben, jokalarien, teknikoen eta epaileen gehiengoak, egindako hauteskunde-prozesuan. Neguriko Jolaseta Errege Klubaren zuzendaritza-kide ohia mantenduko da, aldi berean, Euskal Tenis Federazioan; erakunde horretan presidenteordea da.
Barriek 2012an hartu zuen Bizkaiko Federazioaren presidentetza, Joseba Loroño ordezkatzen. Jolasetakoak eskarmentu handia dauka kirol munduan. Tenisean, haur-mailan izan zen Bizkaiko txapeldunordea; hirugarren mailan, lurraldeko txapelduna izan zen bikoteka eta banaka; Jolasetagaz hainbat txapela jantzi ditu, beteranoen mailan, Euskal Herriko, Kantabriako eta Errioxako txapelketan eta Espainiako txapeldunordea izan da. Bestalde, futbolean jardun zuen jokalari profesional hainbat urtean, Arenas, Sondika, Sestao eta Levante klubetan. Padelean ere nabarmendu da; Bizkaiko eta Euskadiko txapelduna izan zen maila absolutuan eta Espainiakoa beteranoetan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.