Oraingoan 47 familiek hartu zuten parte, bertakoakaz batera, besteak beste, Guatemala, Peru, Bolivia, Filipinak, Frantzia, Italia, Uruguai, Kolonbia, Senegal, Sahara, Maroko, Paraguay, Venezuela, Nikaragua, Chile, Brasil, Ekuador, Valladolid eta Aragoikoak.
Guztira, 200 bat lagunek parte hartu zuten domekan, hilaren 13an, Getxon egindako bertoko eta atzerriko familien arteko bazkarietan, "Bizilagunak-Aldameneko familia" ekimenaren barruan. Horretan, elkar ezagutu eta beren errealitate ezberdinei buruz berba egiteko aukera izan zuten. Ekimena Getxoko Udalak; Egizu Getxo Euskaldun eta Ibilki elkarteek; eta Getxoko Etorkinak Plataforma Federazioak bultzatu dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun