Getxoko EH Bilduk eta GUK taldeak salatu dutenez, Gobernu-taldeak udalkideek duten informazio eskubidea baliatzeko modua "murrizteko instrukzioa ezartzeko asmoa" du. Udal gobernuaren berbetan, instrukzioa informazioa eskatzeko modua "normalizatzeko" bidea da, halere, talde bien ustez, horrek informazioa eskuratzeko daukaten bidea oztopatuko du, "besterik ez".
Koalizio abertzaleak eta GUK taldeak azaldu dutenez, orain arte erabilitako bidea "are eta gehiago" burokratizatuko da, "zailtasunak jartzearen alde". Gainera, jakinarazi dutenez, neurri berri horregaz zinegotziek soilik izango dute aukera informazio eskaria egiteko; hortaz, ezinezkoa izango dute udal-taldeetako langileek informazioa eskuratzea.
Horregatik guztiagatik, instrukzioa bertan behera geratzea eskatu dute talde biek, "uste dugulako gardentasunari eta udalkideen eskubideei begirako atzerapausoa dela honakoa. Hala, informazio bideak oztopatzen dituela, eta informazio eskatzailea mugatu".
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.