Gaur, barikuan, piztuko dute Getxoko Gabonetako argiztapena. Horretarako hitzordua 18:00etan jarri dute, Areetako Eskoletako plazan. Udalak 60.000 euro inbertitu ditu gabon argien instalazio eta mantentze-lanetan. Halaber, beste 44.972 euro inbertitu ditu udalerriko sarrera-irteeratan eta interesdun publikoko beste leku batzuetan apaingarriak ipintzeko.
Gabon-argiak domekatik ostegunera egongo dira piztuta, 18:00etatik 22:30ak arte, eta barikuetan, zapatuetan eta jaiegun bezperetan, 18:00etatik 24:00ak arte.
Aurrekoetan bezala, leku publikoetan ipini dituzte kontsumo txikiko 4.900 metro luzeko argi-hari mikrobonbilla edota LED (80,6 Kw.) argitxoakaz, eta beste 47 mikrobonbilladun apaingarriak (12,8 Kw).
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!