Bizkaiko Foru Aldundiak apustu "sendoa" egin du "balio erantsia duten enpresen sorreraren alde, merkatu berrietako ateak irekitzen dituzten proiektuen alde, atzerriko inbertsioak erakartzen edo gure sektore estrategikoak sendoagotzen dituzten proiektuen alde", Unai Rementeria Bizkaiko Ahaldun Nagusiak azpimarratu duenez. Ildo horretan, estrategikotzat jotzen du arlo publikoaren eta pribatuaren arteko elkarlana, zeren "ekintzaileei ondo badoazkie gauzak, Bizkaiari ere ondo joango baitzaizkio. Eta Bizkaiari ondo badoazkio, geuri ere bai".
Urteko Ekintzailea Saria emateko ekitaldian, Rementeriak Bizkaiko Foru Aldundiaren beraren ekintzaile-izaera azpimarratu gura izan du, horren ildotik sortzen baita, besteak beste, hogei urtetik hona enpresa berrien sorrerari eskaintzen dion babesa.
EY-k emaniko sariotan, Getxo Solarpack enpresak jaso du ekintzaile sozial onenaren saria, eta Gureak gipuzkoarra izan da, bestetik, espainiar estatu osoko Ekintzailea Sarirako izendatu den hautagaia.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!