Udalerrian hiri hondakin solidoen (HHS) edukiontzi berriak ipintzeko lanak direla-eta, bihartik, eguenetik, aurrera autoen zirkulazioaren norabidea aldatuko da Algortako gune bitan: San Nikolas plazaren eta Zubilleta kaleen inguruetan, hain zuzen ere.
Alde batetik, aipatutako egunetik eta aurrerantzean, San Nikolas, Artibai eta Etxeandia Apezpikua kaleak hartzen dituen gunean ibilgailuek orain arte ezarrita zegoenaren kontrako norabidean ibili beharko dute.
Bestalde, norabide aldaketa berdina egingo da Lañamendi, Kurutzagana, Kuskuburu eta Zubilleta kaleek osatzen duten esparruan.
Alde bi horietako seinaleztapen horizontal eta bertikala bat etorriko dira aldaketa berriagaz.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!