Manu Lezertua EAEko arartekoak bere "kezka" azaldu zuen atzo Eusko Legebiltzarrean, "Udal gizarte zerbitzuen egoera Euskal Autonomia Erkidegoan; egungo egoera eta hobetzeko proposamenak" txostena aurkeztean. Izan ere, ikerketaren arabera, zenbait udalerrik ez dituzte eskaintzen legez dagozkien zerbitzuak eta batzuek, gainera, ez dakite zeintzuk eskaini behar duten. Kontrakoa gertatzen omen da Getxon tutoretzapeko apartamentuakaz. Ezarritako maparen arabera, Getxok Bizkaiaren beharrizanak estali ditu arlo horretan.
Zehatz-mehatz, txostenak honako iritzia dakar Getxo udalerriaren gizarte zerbitzuen inguruan: "mapak dioena da Getxok adibidez, tutoretzapeko 17 apartamentu izanda, Bizkai osoko beharrizanak estaltzen dituela. Eta horixe gertatuko da: inork ez du eraikuntzako eta kudeaketako gastu izugarria dakarren tutoretzapeko apartamenturik eraikiko, obligazio zehatzik ezartzen ez bada”.
Txostena lantzeko, Arartekoak 38 adituen lekukotasunak izan ditu kontuan. Haietako 25, sektoreko profesionalak dira; eta beste 13, erakundeetako ordezkariak. Haien artean, Elena Coria Getxoko Udaleko Gizarte Zerbitzuetarako zinegotzia dago.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
